X

Natanael jos lo figier de Marcela Delpastre per lo duò Canet-Fraysse

Estil : Poësia

Sector : Literatura

Lenga : Occitan

Airal lingüistic : Limousin

Creator: Thérèse Canet, Marie-Laure Fraysse, Marcelle Delpastre

i

Presentacion de l'òbra originala, presentada pel duò Canet-Fraysse


Dins aquel long poèma d'incantacion, « Natanael jos lo figier », Marcela DELPASTRE nos convida  al cant prigond.
Amb son biais universal e talament personal, canta a s'esniurar de son cant, per ela, per totses les autres essers , a la facia ofensada del nonres, a la facia trasfòla dels astres et dels sinhes.

Canta per las pèiras e lo vent, per l'aure esborrissat d'estièlas e per la pluèja, per la sorga de la frucha ; canta maugrat lo malastre e l'insuportabla niciardisa, aquela que fa capbordonar la terra dins lo peiròu fangos de l'abolida.. Hiroshima, Nagasaki n'èran pas que temptativas d'acompliment apocaliptic del segle 20....!

Doas voces dònon vida a n'aquel text poetic dins las doas lengas, l'occitana e le francesa. Doas voces que se tenon companiá, se mesclon, se mesuron. La musica es estada escricha partent del poèma, per el. Se fa votz e lo texte se vira en particion musicala.

Diversas influenças se respondon dins la musica : jazz, classic, contemporau, tradicion...mès quò's la pulsacion del còr, aquela de la borrèia que pòrta las voces entre tèrra e ciau coma per un cant prumièr, indian o lemosin.

Presentacion de l'autora e de las artistas 

De Marcela Delpastre (1925-1998), se poiriá dire qu'èra poetessa d'en primièr, puèi païsana lemosina, auriam dich l'essencial, mas seriá un retrach tròp succint. Èra tanben novelaira, etnografa, etnològa, memorialista meticulosa e aquò sufiriá pas, se caldriá apondre qu'èra cançonejaira e cantaira, contaira captivadora e ostessa ajoguida a l'umor lèst, al rire comunicatiu... E cèrtas, aquò sufiriá pas ! 

Per conéisser lo melhor de Marcela Delpastre, lo mièlhs es encara de legir son òbra monumentala, una vintenat de volums editats al Chamin de St-Jaume, una autra desenat en cò de Payot, eca... 

Marie-Laure Fraysse : Son «dada», es la musica ! Son public abitual, lo popona dins los espitals, los ostals de retirada, jòga amb eles totes, per aleujar lors jorns, mas pas unicament ! Jòga de pertot, al bòrd de l'aiga, suls estaudèls, dins las granjas e los patis !

Son instrument de predileccion, es l'acordeon, lo cro...,lo gròs, aquel qu'a pas totjorn agut bona reputacion, aquel que pòrta en li mantuns autres instruments, que pòt tot jogar, Ségurel e Satie, lo Traïtou e Mlle Piaf. Alara lo repertòri de M.Laure es ample, sustot que compausa e que canta, e aquel còp, es per Marcela Delpastre que la poesia la tocada en plen còr !

Thérèse Canet : Son especialitat, es en primièr lo conte, lo conte amb d'occitan dedins. En efèit, as torrinat son repertòri a partir de collèctas realizadas al prèp d'ancians de Cantal, essencialament. Aima tanben dire o legir la literatura d'orizonts divèrs, dont los poètas occitans, sustot Marcela Delpastre. 

 

Daissatz un comentari

<