X

Pinocchio, ou les aventures du terrible pantin Pinocchio qui devint un petit homme...

Estil : Teatre

Sector : Teatre

Lenga : Occitan

Airal lingüistic : Provence

Annada de parucion : 2016

Creator: Renat Sette

i

Lo tèma

Solet sus la scèna dins un espaci qu'evòca aqueu d'una gabiòla, un òme bastís de caissas de fusta, coma quauqu'un que fariá una punicion. Pantaissa, canta, e pauc a cha pauc de sei mans nais una mariòta, retrach nèci de si-meme. Aquel òme es ben Pinocchio...quauqueis annadas mai tard ! Jòga e charra amb sa mariòta puèi nos cònta seis aventuras, lei tòrna viure en dirècte, desvira totei leis objèctes dau sieu luòc de vida per remembrar Gepetto, la fada, leis bèstias... Ardiament, ensaja de se reabilitar, de se donar lo bèu ròtle mai soventei fes una masca apareis sus sa cara, e la longor de son nas lo traís... Lo raconte de seis aventuras pren valor de cònte ; lo percors de Pinocchio, cara emblematica d'insolentisa galòia e inocenta es aqueu d'una bastison e d'una liberacion.

La còla

Donat en promièra los 20 e 26 d'abriu de 2016, au centre culturau de Frais Vallon e a la Busserine à Marselha, aquèla nòva aventura recampa a l'entorn de Renat Sette (interprèta, cantaire e scenografe) lo metor en scèna Bruno Deleu, lo responsable dau son Romain Giusiano ; la regia generala es assegurada per Deborah Marchand, la creacion de mascas es de Nicolas Raccah e aquela dei tatoatges de Maeva Sevilla.

L'espectacle exista en francés e en occitan (traduccion de Rogièr Pasturel).

Daissatz un comentari

<