X

Mistral tout ou rien - Cabaret poetic e musical

Estil : Teatre

Sector : Teatre

Lenga : Occitan

Airal lingüistic : Lengadòc

Creator: La Rampe-TIO

i

L'espectacle 

Amb umor e finesa, l'espectacle desenròtla los temps fòrts d'una escritura, d'una vida. Dins una cadena ritmada de cançons, de scenetas, d'extraches de l'òbra de Mistral, passam sens dificultat de la fantasiá a l'emocion, de l'Istòria a la Poesia. Un espectacle bilingüe que permet a totes de tastar las anecdòtas de sa vida de poèta, dempuèi lo «cambareleto» de son «enfancio populario» fins a la remesa de son prèmi Nobel. Es tanben l'escasença de descobrir l'escritura somptuosa d'un poèta màger d'Euròpa occidentala amb d'extraches de Mirèio, Calendau, Lou Pouèmo dóu Ròse...
Per mantuns de nos contemporanèus, Frédéric Mistral es qu'una coneissença vaga e trebola. Ives Roqueta nos guidèt sus aquela «terra incognita». Amb sa coneissença e sa fòga, a esclairat nòstre camin, empusat nòstra curiositat e sèm partits a la descobèrta del continent Mistral : un territòri immense plen de suspresas e d'emocions, sovent a rebors de l'imatge desuet qu'es veïculada.

Los comedians Bruno Cécillon e Gilles Buonomi jògan, dançan e cantan sus las nòtas del musician Frédéric Fortès. Dins un espaci liberat de tot artifici, un pianò e una caissa a malícia farandolan jos lo lim. La mesa en scèna d'Isabela François dona lo tempo e renovèla nòstre agach sul poèta, a l'imatge de las illustracions e de l'aficha de Pèire François, lo pintre de l'escòla setòria.
Fin final, un espectacle que fa lo torn de Mistral en 1h20 !
LA RAMPE TIO dobrís la pòrta « del jardin Mistral ».

Distribucion 

  • Escritura : Ives Roqueta
  • Mesa en scèna : Isabelle François
  • Comedians : Gilles Buonomo, Bruno Cécillon, Emmanuel Valeur
  • Creacion musicala : Frédéric Fortès
  • Creacion grafica : Pierre François
  • Regia platèu : Sergio Perera
  • Regia lum : Igor Bernardic, Sergio Perera
  • Partenariat : Lou Felibrige
  • Coordinacion generala : Bruno Cécillon
  • Fotograf : Marc Ginot

Ficha tecnica

Daissatz un comentari

<