La companhiá « Du Parler Noir » trabalha a l'entorn del son e del sens de la lenga occitana, qu'eructa, que chebiteja, que martela... aqueste gascon nègre coma la tèrra, aspre coma pòt l'èsser la vida de còps que i a.
Isabelle Loubère : Directritz artistica de la companhiá « Du Parler Noir».

« Manciet es una evidéncia dins ma vida, coma la landa, lo bosc e la lenga que nos acampa.

I posi ma força, l'energia de contunhar.

Ensagi de parlar dels que s'en parla pas jamai.

Conti la landa, lo seu mistèri, sos pastres.

Vivi la landa, son aspror e sos secrets.»

Contes e cants es un espectacle original que relatan los contes e cants de la Landa. Conta d'istòrias d'un còp èra. D'istòrias faceciosas, d'istòrias sornas e negras... Lo tèxte se mescla a la musica dins l'ambient de velhadas d'antan e la proximitat d'instruments acostics.