X
Concèrt slam & musicas dau monde per lo joine public

Inspirat dei diferents univèrs musicaus de cadun daus artistas, Banaminots es un viatge contat, clamat, ai ritmes e sons dei musicas d'alhors, pròches (Occitània) o longanhs (Cameron). Lei cançons que compausan aquel espectacle joine public, emb sei paraulas en francés, occitan e doalà, son una vertadièra invitacion a descobrir lei lengas dau monde. Es tot un univèrs qu'es prepausat a la curiositat dau joine public pauc acostumat a aquelei sonoritats. Miquèu Montanaro e lo capitani Alexandre (Marc Oho Bambe) se jògan dei sons que pètan, parlan, sonan, marmusan, cridan, au ritme dei projeccions vidèo que ponchejan dins l'espectacle. Acompanhat per lei talentuós  Baltazar Montanaro-Nagy au violon e Pierre-Laurent Bertolino a la viola de ròda, aquò s'entremèscla, s'entrecrotza, s'entrecòpa... Banaminots interròga e rejauvís.

Marc-Alexandre Oho Bambe « Capitaine Alexandre » : slam
Pierre-Laurent Bertolino : viola amplificada
Baltazar Montanaro-Nagy : violon
Miquèu Montanaro : flabutas, acordeon

Daissatz un comentari

<