X

Sorn

Estil : Trad, Polifonia

Domeni d'activitat : Grop

Lenga : Occitan

Membres : Rodin Kaufmann, Alexis Degrenier, Denis Sampieri, Guy Sampieri, Erxan Billon

Fa part de : FeM Collectiu

Airal lingüistic : Provence

Sorn es la resulta d'un trabau de recèrca, d'experimentacion e de creacion musicala que pren per punt de partença lo repertòri collectat per Damasi Arbaud en nauta Provença a la fin dau sègle 19. Es una seleccion e una mesa en relacion de tèxtes que se rejonhon a l'entorn de tematicas de l'escur e dau funèbre.

Aqueu repertèori pre-felibrenc foguèt quasiment jamai tornat interpretar despuèi sa collècta, tant correspond pas a l'imatge lissat d'una Provença idilica que mai d'un sègle de literatura, cinèma e campanhas de publicitat contribuèron a faiçonar en plena artificialitat. Cabussam aquí dins la Provença  tenebrosa, rufa e violenta, aquela dau racònte crud, monte lei còdes estetics folclorizants foguèron chapats e degerits dins un sol e meme gèst. Es la Provença dei bandits, d'una umanitat malefica, la Provença dei tèrras aridas e rocassosas qu'amagam sota una abondància de colors vivas.

Sorn es la mesa en musica d'aquela istòria. Cinc solistas se relaian per portar cadun son torn una narracion que se vòu collectiva o solitària, mentre que lei tusts, friccions e tindadas, dessenhan un paisatge poplat d'ombras e de rebats que mènan lei votzs dins sa simplicitat nusa de paraula iniciala.

Quatre cantaires eissits de praticas diferentas, dau cant popular a la musica contemporana, acompanhats d'un percussionista au percors a l'encòp classic e experimentau.

Lo dispositiu de percussions eissit d'una collecta dins la montanha de Lura (pèiras, fusta, pinhas) se fai coma un resson materiau au territòri monte aquelei cants foguèron notats i a mai de cent ans.

Coordenadas de l'artista

117 Traverse Bovis, 13016 Marseille, France

Escrivètz a la Fabrica

<