X

Tintorèla

Estil : Trad

Domeni d'activitat : Grop

Lenga : Bilingue Occitan-Français

Membres : Florence Launay, Françoise de Fanti

Airal lingüistic : Lengadòc

Tintorèla, en occitan l'equilibri : aquel de doá voses de femnas a cappella, voses poderosas e coloradas, ricas de percors atipics de las doá cantairas, Françoise de Fanti e Florence Launay.

Françoise de Fanti comencèt per la dança contemporana, puèi tornèt trobar sas raices lengadocianas amb lo cant tradicional, notadament dins lo grop Landiridi, amb Bernard Felip a la guitarra. Apassionada de cultura e de lenga occitana, participèt a de collectatges e faguèt de recèrcas personalas per conèisser lo contèxte dins lo qual viviá la cançon tradicionala. Dempuèi maitas annadas, dona de conferéncias cantadas sul subjèct.

Florence Launay ausiguèt totjorn d'expressions en occitan dins sa familha. Es son rescontre amb Françoise de Fanti que li faguèt descobrir la beutat e la riquesa d'aquela lenga. Cantaira lirica, daissèt los emponts d'operà per explorar las melodias, lo lied alemand, la cançon tradicionala. Florence Launay fa tanben de recèrcas sus l'istòria de las musicianas, notadament las compositriças francesas del sègle 19.

Coordenadas de l'artista

Combespinas, 81260 Brassac, France
05 63 74 57 71

Escrivètz a la Fabrica

<