X

Olivier Peirat

Estil : Trad

Domeni d'activitat : Musician

Lenga : Bilingue Occitan-Français

Airal lingüistic : Limousin

Olivier Peirat, se definís coma musician occitan dau Lemosin, terra ente viu e que li noirrís l'eime de sa musica.

Ditz jugar e chantar las colors dau país au quau se sent liat, per i dialogar emb daus estiles de musicas diferents qu'an en comun un mesme substrat, en chantar entau la lirica daus trobadors, en jugar las musicas popularas tradicionalas e contemporanas, en ondrar son juec per la soneissença dau repertòri arabò-andalós, en z'esmalhar d'influencias mediterraneanas e orientalas, en joglar emb la libertat de l'improvizacion.

Dempuei de nombrosas annadas, es complice dau chantaire occitan Bernard Combi, e partatja tanben la generositat musicala de bien d'autres musicians, coma Jan dau Melhau (concert de Trobadors), Jean-Marc Delaunay (musicas tradicionalas a dançar), Didier Jean (musicas electronicas), rejunh, a l'ocasion d'evenaments musicaus liats a la lirica occitana, lo Troubadours Art Ensemble dirijat per Gérard Zuchetto...

Participet a la creacion de concerts per las Trobadas (cò-)organizadas per Carrefour Ventadour : a l'entorn de Bertran de Born en 2009 (coma Maurice Moncozet, Mick Rochard e Michel Haze), de Gaucelm Faidit en 2010 (coma Maurice Moncozet e Jan dau Melhau), de Arnaut Daniel en 2012 (coma Yannick Guédec e Michel Haze).

Contribua tanben a l'enregistrament de "La Tròba", antologia chantada daus trobadors, iniciada e menada per Gérard Zuchetto.

Font : http://ieo-lemosin.org/?intervenant=olivier-payrat

Coordenadas de l'artista

19000 Tulle, France

Escrivètz a la Fabrica

<