X

Lou Quinse

Estil : Metal, Fòlc, Trad, Ròck

Domeni d'activitat : Grop

Lenga : Bilingue Occitan-Français

Membres : Daniele Quaranta : voix et grognements, Furio Sguayzer : accordéon, Davide Di Vincenzo : percussions, Ivan Di Vincenzo : guitares, Domenico Santoro : basse, Simone Cottura : batterie, Michele Tron : tin & low whistles, cornemuses

Airal lingüistic : Valadas occitanas (Itàlia)

Literalament "Lo Quinzen", en francòprovençal (dialècte d'una part de las valadas del Piemont - val de Susa, de Lanzo, Vals Orco e Soana, Val d'Aòsta, Savòia francesa e una part de la Soïssa francofòna), Lou Quinse nais en 2006 a Balme, un pichon vilatge de la Val d'Ala. Pr'aquò lo significat del nom s'arrèsta pas aquí.

Lo Quinzen es, de fach, lo numèrop del Diable a las cartas (es la quinzena) e demòra conegut jos aquel chafre dins las valadas francòproivençalas e occitanas.

Lou Quinse descriu aital perfiechament la musica que prepausa : lo "diabolic" heavy metal, dempuèi totjorn acusat de satanisme, rescontra una tradicion que jamai suportèt los dògmes e las constrenchas.

La musica de la tèrra es aital auvada de l'oblit amb aquela renaissença, tòrna venir actuala, sens çaquelà abandonar sas raices fièras (Sem Montanhòls), los tròces tradicionals occitans e francòprovençals tòrna trobar una nòva vida dins lo maridatge, un briconèl blasfematòri, entre los instruments de la tradicion (sonsaina, acordeon e flabuta), armoniós e melodiós, e l'energia bistòrta e destructriça tipica del metal, ont la guitarra bassa e la batariá crèan una paret sonòra sus la quala se venon pintrar las colors de las cançons tradicionalas. Borrèias, rigaudons e farandolas, leugièrs e joioses, mas tanben malenconicament pensats, rescontran l'escuresa del black metal, la potença del death metal e la rapdiesa del thrash metal dins una prepausicion organica e sens precedent, per pas dire unica.

Coordenadas de l'artista

Turin, Italy

Escrivètz a la Fabrica

<

SUIVEZ LES