X

Daniel Chavaroche

Estil : Cançon, Fòlc, Trad, Teatre, Jove public

Sectors : Literatura, Teatre

Domeni d'activitat : Cantaire, Contaire, Escrivan, Musician, Intervenent, Comedian

Lenga : Bilingue Occitan-Français

Fa part de : Compagnie des Arts Modestes

Airal lingüistic : Lengadòc

i

Biografia

Nascut a Sarlat en Peiregòrd Negre, d'en primièr institutor de vilatge vengut mèstre d'occitan, Daniel Chavaroche se botèt a escriure al fial dels ans, en s'inspirant de son país. Fai siá l'assercion de Miguel Torga : "l'universal, aquò's lo local sens los murs".

Lo contaire

Daniel Chavaroche se desfinís coma « contaire de país », e conta alternativament en occitan e/o en francés. Lo rugbi a segurament condicionat son biais d'èsser, de veire la vida, sens dobte tanben de la contar.
 «… Lo rugbí, çò ditz, mas aquel dels camps, lo vertadièr !.. Un long eprcors iniciatic de quasi vint e cinc ans de juèc... A 'quel rugbí de campanha, vertadièra universitat de la vita, ai perseguit dels estudis perlongats... Escolan un pauc banturle, ai belcòp redoblat !..»
'Quò's d'aquel terrador que son nascuts los espectacles rugbifiles de contes a doás votz : On est pas venu là pour en prendre e Y a pas que le rugby dans la vie... que jòga emb Joan Bonnefon, l'amic de totjorn.
Ensemble, crèan la Compagnie des Arts Modestes, mena de cooperativa qu'a per objectiu d'aidar a la creacion dins lo domèni del conte, de la cançon e de la musica.

L'autor

Car s'es contaire, Daniel Chavaroche es tanben autor : de contes (solide), d'obratges sus la cultura d'òc, de tèxtes pels gropes Peiraguda puèi Pissafreg, mas tanben pels mai joves, de jòcs cantats, contes e cançons, matèira primièra a disposicion dels ensenhaires. 

L'accion pedagogica

De sa carrièra d'institutor, Daniel garda lo gost per l'aida a la creacion de contes en mitan escolar, que pratica emb plaser cada annada dins de las escòlas, dels colègis o dels licèus que l'i n'en fan la damanda. Li arriba tanben d'animar dels estagis per adultes.

Actualitat

Lo contaire propausa un espectacle novèl, Le Souper d'Angèle, de descobrir per d'unas vidèos en linha sus la cadena youtube de l'artista. 

Ligams utiles :

Site internet de l'artista : https://danielchavaroche.jimdo.com/

Cadena Youtube de l'artista : https://www.youtube.com/channel/UCMIz5DY5rcVMDp3UfKtv3kA

Extrait de « L'hôtel des Platanes », spectacle de Daniel Chavaroche. Crédits Damien Fournier . 

Coordenadas de l'artista

Lieu dit La Rouchie, 24290 La Chapelle-Aubareil, France
05 53 50 74 03

Escrivètz a la Fabrica

<