X

Occitanas

Estil : Ròck, Trad, Pop, Fòlc

Domeni d'activitat : Grop

Lenga : Occitan

Membre : Simonetta Baudino

Airal lingüistic : Valadas occitanas (Itàlia)

"Occitanas" es un grop absoludament unic dins lo panoramà musical occitan. Naissèt en 2014 d'una idèa de Sergio Berardo (menaire de Lou Dalfin) emb l'intencion de crear quauqua ren de novèu e originau, pas solament sus lo plan musicau, mai tamben per la tenguda escenica. E ansin 25 musicianas (totas de femnas manca un "infiltart" astruc), totas sortidas dei Valadas Occitanas d'Itàlia, s'uniguèron dins aqueu grop que sens contesta capita de susprene. Utilizan totas menas d'instruments, dei mai tradicionaus (sonsaina, acordeon, galobet-tamborin...), a aquelei importats de la musica classica (arpa, flaüta...) e finc'ai mai modèrnes (bassa, batariá, ukulele...) que constituisson la seccion ritmica. La tòca es de crear un son solid e atrasent, cargat d'adobaments e variat dins la causida dau repertòri, sens pasmens renonciar au jòc energic e bolhent tipic dei musicians occitans qu'animavan autrei còps lei fèstas dins lei valadas. Lo repertòri dau grop es constituit de cançons tradicionalas occitanas emb quauquei incursions dins lei danças dei vesins dau País Basc. Lo bèu nombre d'instruments utilizats, combinat a la votz cauda e potenta de la cantaire permeton ais Occitanas de presentar un espectacle variat e regaudissent.

Creacions

Coordenadas de l'artista

347 3711493

Escrivètz a la Fabrica

<

SUIVEZ LES