X

Christophe Rulhes

Estil : Teatre, Lenga e societat, Jazz, Impro

Domeni d'activitat : Musician, Artista, Escrivan, Realizator, Intervenent

Lenga : Bilingue Occitan-Français

Fa part de : Le GdRA

Airal lingüistic : Lengadòc

i

Christophe Rulhes nasquèt en 1975 dins una familha paisana e occitana. Pratica la musica e lo cant dempuèi jove. Pendent las annadas 90 es diplomat en comunicacion, en sociologia e en antropologia a l'Escòla dels Nauts Estudis en Sciéncias Socialas de París e cercaire doctorant allocatari associat al laboratòri CAS-LISST de Tolosa. Jòga de musica en França e a l'estrangièr pel concèrt, l'espectacle, la dança, lo documentari, la television. Dins las annadas 2000 multiplica las experiéncias artisticas a la crotzada de maitas disciplinas demest la musica, l'escritura, l'escenografia, lo movament, l'imatge e lo son, la mesa en scèna e las sciéncias umanas. En 2005 còfonda lo GdRA amb Julien Cassier. Dempuèi 2007 e lo primièr espectacle de la companhiá Singularités Ordinaires, son trabalh questiona una articulacion potenciala entre las arts e las sciéncias umanas al còr d'un teatre fisic, narratiu, plural. Christophe Rulhes escriu a partir del public e per l'enquista sus de tèmas recurrents : fragilitats e capacitats de la persona, flambejadas de l'ordinari, invencion del quotidian, identitat narrativa, singularitat, ecologia de las praticas, problèmas environamentals, recuèlh de paraulas consideradas coma inferioras o pauc ausiblas. Per un teatre de las umanitats, adreçat a tot e a cadaun, que se vòl ludic e liure, engatjat dins lo present.

Creacions

Coordenadas de l'artista

8 Rue Guy de Maupassant, 31200 Toulouse, France

Escrivètz a la Fabrica

<