fabrica

Basa : Tota la creacion occitana
Licéncia Licence Ouverte
Aurélia Lassaque

Aurélia Lassaque

Domaine d'activité : Écrivain
Genre : Poésie
Secteur : Littérature
Aire culturelle : Languedoc
Occitan : Tot en òc
Support : Spectacle vivant


Aurelià Lassaca, nascuda en 1983 e uèi installada a Tolosa, es una poèta en lengas francesa e occitana.
Titulara d'un doctorat en estudis occitans aprèp aver sostengut una tèsi sul dramaturg occitan Frances de Cortète (1586-1667), es sus scèna e dins lo mond entièr qu'Aurelià Lassaca fa ausir sa poesia dins de lecturas musicalas qu'i pòdon intervenir lo cant, la pintura e la dança.

Cronicaira de television, participa tanben en 2011 a la mòstra « Dialòg entre culturas e lengas » al Conselh d'Euròpa.
Defensora de la diversitat linguistica, deven conselhièra literària per d'iniciativas culturalas coma lo Prèmi Ostana d'Escritura en Lenga Maira dins las Valadas occitanas d'Italia, o de festenals tal coma Paroles Indigo a Arles. S'engatja en mai, amb lo sosten de la manifestacion francofòna La Prima dels Poètas, dins lo projècte Versopolis : federacion de festenals europèus, que la finalitat es de defendre la mobilitat e la visibilitat de las jovas voses de la poesia europèa.

Dins lo linhatge de son combat per las lengas, son second recuèlh poetic Pour que chantent les salamandres (edicions Bruno Doucey, 2013) es estat revirat en anglés, ebrèu, neerlandés, norvegian e catalan, e sos recuèlhs aclamats per la critica estrangièra (The Guardian, los suplements literaris Al Araby Al Jadeed e Haaretz Daily). En 2014, se vei acordar per lo Centre Régional des Lettres Midi-Pyrénées una ajuda a la creacion per son recuèlh En quête d'un visage (édicions Bruno Doucey, 2017), que lo tèma es lo mite d'Ulisses revisitat dins una sabenta mescla de poesia e de
cants.

Veire l'emission « Escrivans » que li èra consacrada en junh de 2019


Contactez nous a propos de cette page