fabrica

Basa : Tota la creacion occitana
Licéncia Licence Ouverte
Lo Lop es mòrt

Lo Lop es mòrt

Genre : Spectacle de théâtre
Secteur : Théâtre
Aire culturelle : Languedoc
Occitan : Moitié-Moitié
Support : Spectacle vivant
Date : 2019
Créateur : Los de Ròcaguda
Centre Cultural Occitan Occitan de l'Albigès


PRESENTACION DE LA PÈÇA 

«Tolosa al sègle XIII, del costat de la pòrta de Montoliu: 
Sus una placeta entre la paret de la vila e los prumièrs ostals, lo monde de l'endrech an costuma de se trapar per passar un moment, lo ser, a la fresca, abans de se jaire. 
Aquí se parla de tot, e mai que mai dels eveniments catastrofics que van marcar las tèrras occitanas a comptar de 1209 : la crosada contra l'eresia, las presas de Besièrs, Carcassona, La Vaur, los lenhièrs, la desfaita de Muret, los comtes faidits, l'ocupacion de Tolosa, puèi la victòria de Bèlcaire, e lo retorn dels comtes de Tolosa dins lor vila liberada. 
Nòstre monde n'an patits cadun sa part, dins lor vida, lors amors, lor mestièr, mas arriba lo moment que son eles que van fan l'istòria, aquí, dempuèi aquesta plaça en prenguent part a la defensa de la vila. 
Eles, que non pas ! Elas puslèu, las valentas femnas del quartièr, que manòbran la peirièira e mandan la pèira qu' « èra mestièr » qu'esclafe lo morre de Simon de Montfòrt ! 
Drama comic, comèdia dramatica, farcejada istorica... coma voldretz ! » 


PRESENTACION DE LA TROPA 

Los de Ròcaguda est la troupe de l'atelier Théâtre du Centre Culturel Occitan de l'Albigeois (CCOA), créée en 2013, au Centre Occitan Rochegude à Albi. La troupe de théâtre amateur en langue occitane compte diverses créations (Cambriolatge ; Les Mascarades d’Alban  ; La femna muda ; Lo mètge de Cucunhan ; A l’entorn d’un panièr d’uòus ; Qual es que s’en ocupa? ; La craba  ; La femna muda e l’òme sord ; La farça del bugadon ; L’ase de la Tatà ; La relèva de la Garda ...).
En 2019, la pièce «Lo Lop es mòrt», farce historique en occitan et surtitrée en français, est sortie. 


FICHA TECNICA DE LA PÈÇA 

Pèça en 7 scenetas entrecopadas de lecturas d'extraits de la canson de la crosada : la Canso. 
Los extraits de la Canso permetan de faire evoluar la pèça dins lo temps, de la debuta de la Crozada dita dels Albigeses a la mòrt de Simon de Montfort. 
L'espaci scenic de 8m sus 8m, compòrta sus l'esquèrra una partida dels remparts de la vila e del camin de ronda, al fons e sus la dreita dels immòbles de Tolosa, separats per un espaci carrièra, l'ensemble qu'englòba una placeta jols remparts. 
Los decòrs comprenon en mai del material de guèrra necessari a la defensa de la villa : arcs, flèchas, dispositius de sèti, tipe ataca o defensa, pairòl, pèiras... lo desrotlat de la pèça serà sostengut per una banda son que compòrta bruches artificials e musicas, tan coma certans elements de revirada de la Canso en francés. Dispausam de l'equipament de la sonorizacion basica. 
La Canso a estada retranscrita en occitan modèrne, lo mai pròche de l'original. L'ensemble dels tèxtes en occitan fait l'objècte d'un sustitrage en francés projectat al-dessus de la scèna. 
Lo dispositiu d'esclairatge se compausa d'un « plen fuòc» blanc per l'ensemble e d'un esclairatge pontual « docha » sul trobador que legís la Canso, lo tot entrecopat de negres. Se lo luòc dispausa pas d'aquel esclairatge, preveire sa mesa en òbra.  


CONTACTE DIFUSION

CCOA / Centre Occitan Rochegude - 28 rue Rochegude 81000 Albi
mèl : centre-occitan-rochegude@orange.fr
tèl : 05 63 46 21 43

Sites internet : 
http://www.centre-occitan-rochegude.org/
https://www.facebook.com/CentreOccitanRochegude/


Contactez nous a propos de cette page