fabrica

Basa : Tota la creacion occitana
Licéncia Licence Ouverte
Spectacle-conférence : « Conférence cougourdonesque »

Spectacle-conférence : « Conférence cougourdonesque »

Genre : Conférence Concert Trad/Populaire
Secteur : Musique Ethnologie / PCI
Aire culturelle : Provence
Occitan : Moitié-Moitié
Support : Spectacle vivant
Date : 2018
Créateur : Djé Balèti
Jérôme Désigaud
Fait partie de : Label Sirventés


PRESENTACION  

Espectacle, conferéncia, talhièr, demonstracion a l'entorn del cogordon nissard e de totas sas utilizacions.  
La cogorda o cogordon es una coja pas comestibla qu'a totas formas d'usatges : primièras caissas de resonança dels instruments a còrdas, culheron a olivas, carbassa (o... cogorda !), polverièra pels fusilhs de l'armada de 1870... La majoritat d'aqueles objèctes son dempuèi produches en plastic, alara que la cogorda es una produccion biologica e sana ! 
Lo cogordon, es tanben tota una pensada, un patrimòni e una musica : de las trompas de la vespa, de l'espina del petadon... Aitant d'instruments oblidats, que son tan modèrnas dins lors sonoritats e susprenents dins lors formas... 
Los dos conferencièrs retraçan l'istòria e l'utilizacion del cogordon, de la laütariá a l'agricultura, en passent per la metafisica... S'improvizan un concèrt en demonstracion e, segon lo public e lo projècte, convidan a gratar, cavar, trabalhar son instrument o ustensilha en cogordon. 
Es doncas una conferéncia musicala, carnavalesca, mas tanben agricòla, botanica, medicinala, etnologica, lingüistica – pèi que l'usatge istòric d'aquela coja es ligat a la lenga occitana e als cants tradicionals. 

Descobrir l'espectacle en vidèo : AQUÍ
Tematicas abordadas 
- Art, ornaments 
- Istòria e practicas 
- Etnologia e etnomusicologia
- Objèctes del quotidian (escudèlas, culherons, otisses...) 
- Medecina (proprietats anti-cancerosas entre autres) 
- Carnaval et festivitats 
- Musica tradicionala a contemporanèa
- Mitologia estacada al cogordon
Formats 
Conferéncia de 45' + 20' d'escambis : 
Per establiments universitarsis, escolars, conservatòris, salas de conferéncias, jardins botanics, mediatècas, bibliotècas, cafè literari, ostal de retirada, fèira a las plantas, coralas, musèus, carnavals...
Animacion-talhièr de 45' + 20' d'escambis + 45' de mesa en practica (fabricacion de kazoo -ou mirliton-) 
Per centres de lesers, establiments escolars, festenals, fèstas de la coja...
Animacions a l'annada : 
Plantacion, observacion, recòlta, secatge, fabricacion... 

EQUIPA ARTISTICA 

Jérémy Couraut dit "Djé Baléti", musicien 
Jérôme Désigaud luthier et musicien 
A dich de furgar las fòtos e archius, musèus e bibliotècas, d'encontrar los ancians qu'an conservat aquela memòria, d'experimentar dins lo laboratòri d'instruments de musica de Jérôme Désigaud, de trabalhar lo repertòri de cançons e de musicas, lo duo a reviurat una istòria pròcha e alunhada a l'encòp. Una istòria que nos instruís sus nòstre patrimòni, sus l'epòca d'abans lo plastic, sus la medecina de las granas de coja e sustot, sus la mistica del Carnaval, fèsta pagana, tant ancorada dins nòstra cultura, ont lo cogordon a tota sa place. 

FICHA TECNICA 

Sus demanda al prèp del difusor. 

CONTACTE DIFUSION

Contacte : Catherine Serve / 06 60 50 53 83 / conte.rue@sirventes.com


Contactez nous a propos de cette page