Estagis d'acordeon diatonic (Simonetta Baudino), d'autbòis de Pirenèus (Pierre Rouch e Sergi Llena), de vièla a ròda (Simone Lombardo), de danças de las valadas occitanas d'Itàlia (Elisabetta Atzeni), de danças tradicionala pels debutants (Françoise Noble) e de cant vocal (Wilfried Abo).
Creat en 2003, Lo Truc es un grope de tres musicians de las Valadas occitanas d'Itàlia, dins la província de Cuneo. Jògan d'acordeon diatonic, de la vièla a ròda, de flaüta a bèc, de galobet, de pifre, de cabreta e de clarineta. Lor repertòri es lo de las danças de la tradicion occitana, a partir de las valadas del Piemont fins a Pirenèus, en passant per las regions del sud e del centre-sud de França. Interprètan de pèças tradicionalas o lor composicions pròpias que respectant l'estructura de diferentas danças.
Originar del Magnoac, aquel grope vocal es compausat de 15 òmes que la mitat a mens de 35 ans. Cantan la lenga occitana e los cants tradicionals de Bigòrra.
Aqueles quatre jove musicians occitans fan viure de musicas e danças tradicionalas de lor Gasconha natala e d'Euròpa (Catalonha, Portugal, Itàlia...), fruch de lors rencontres e de lors escambis. Fan tanben dançar sus lors composicions. Lors balètis fan pròva de frescor, dinamisme, e tanben d'una granda maturitat.
Camille Raibaud al violon e Lolita Delmonteil Ayral a l'acordeon diatonic vos menan dempuèi 2008 en tèrra gascona amb una musica creativa, arrengada, prigondament enrasigada e çaquelà dobèrta sul monde. La musica es actuala, los còdis de la danças son presents, cadun de lors balètis es unic. Aprèp un primièr opus paregut en 2009, lor segond album Lestrille foguèt plebiscitat pels dançaires e saludat per la premsa especializada (Bravo TradMag obtengut en genièr de 2015).
Festenal Passa-Pòrts : los 31/03 e 01/04
Sala de las fèstas de Montrejau
Descobrir lo programa del 31/03
Estagis :
- musica e cant – 25€
- dança -15€
Acuèlh a la sala de las fèstas : 10h-12h / 13h30-16h30. Repais tirat de la saca a miègjorn.
Repais del ser + Balèti : estagiaris :15€ / non estagiaris : 20€
Balèti sol : 10€ en tarifa plena / Tarifa reducha : 5€ / -12ans : gratuit
Repais sol : 15€ / - de 12 ans : 12€
tel. : 05 61 95 12 46
mel. : contact@ostaucomenges.org
site internet : www.ostaucomenges.org
Contactez nous a propos de cette page