X

08

Junh

Rencontres "Ensenhar l'occitan en 2016 : pedagogias innovantas"

Publicat lo 11 mai per Jeanne-Marie Vazelle CIRDÒC propausat per CIRDÒC

Lo CIRDÒC, APRENE e los partenaris educatius de la ret Occitanica  propausan als ensenhaires doas jornadas consacradas a l'actualitat de la pedagogia en occitan. Escambis de practica e mutualizacion seràn los mèstres mots d'aqueles rencontres dels contributors de la Maleta (accès ludò­educatiu d'Occitanica.eu), dobèrts a totes, sus inscripcion.

Inscripcion en linha


Informacions  :
Jeanne-Marie Vazelle, responsabla dels contenguts educatius
04 67 11 85 10 jm.vazelle[@]cirdoc.fr

8 de junh de 2016 - CIRDÒC

9:00 – 17:00 “Innovacion pedagogica e escambis de practica”

Presentacion pels ensenhaires de projèctes innovants menats en classa sus l'annada 2015-2016 e que contribuísson a la Maleta.

Projèctes presentats
Mirelha Fornengo : Alan Fornels e sos mòbles modèstes
Sabrina Bousquet : contes alentorn del mond
Adelina Comes : practicas artisticas, dobertura, cooperacion en classa de CM
Marie-Catherine Dufour : talhièrs teatre en òc al licèu
Sandrina Esco : projècte academic dins la classa bilingüa de Besièrs
Virginia Femenier e Silvia Reynaud : albums per enfants sens tèxtes
Maria Lorente : basa iconografica per l'ensenhament de l'istòria
Gert Peyras : fargar un kamishibai en classa

Focus “Mediacion artistica e culturala : de maletas per ma classa”
- Presentacion de la Maleta d'Occitanica e de sos contributors
- Joan Pau Ferré per la maleta pedagogica Conda'm eth Coserans / Raconte-moi le Couserans (Eth Ostau Comengés, ADECC)
- Delphine Castaing per la maleta pedagogica del projècte Erasmus + GO TO the FUTURE (Departament de Gers/Irlanda/Escòcia)

Focus “Fargar d'aisinas de referéncia per l'aprendissatge de la lenga”
- Josiana Ubaud : Diccionari ortografic, Diccionari scientific
- Florian Vernet : Diccionnaire grammatical de l'occitan moderne
- Maurici Romieu : Diccionari d’expressions e locucions occitanas
- Las basas en linha del Congrès permanent de la lenga occitana

17:00 Restitucion del talhièr de teatre dels liceans d’Enric IV de Besièrs

(Dante : L’Enfer, revirada Max Rouquette, mesa en scena Flavio Polizzi)


9 de junh de 2016 - CIRDÒC

9:30 – 17:00 MALETATHON !

Talhièrs practics professionnals, sus inscripcion
Animats pels intervenents de la primièra jornada

Talhièrs de grops : partir dels otisses linguistics per fargar activitats, jòcs e leiçonetas. Per sa classa e per partejar sus la Maleta !

Telecargar lo programa
 
 

Daissatz un comentari

<