Avèm agut lo plaser aqueste estiu, de jogar aquela novèla Conferéncia Burlesca d'Interès Occitan sus la fèsta del soltici d'estiu e recebèt un acuèlh del bèl del public.

Las Conferéncias Burlescas son un mejan de sensiblizar a l'encòp los enfants e lors parents a l'entorn de subjèctes que tocan tot lo monde coma los rituals de las fèstas sasonièras e lors mistèris !

Conferéncia Teatralizada "Sant Joan Tot l'an!"

Lo jorn lo mai long es arrivat, e la nuèit la mai corta se lo va festejar !

En aquel jorn de solstici, lo Professor Bufarel convoquèt nòstras celèbras cercairas Bolegadis e Cercatrova per una mission capitala : edificar lo lenhièr per sautar lo fuòc de la Sant Joan ! Mas per aquò, caldrà partir a la cèrca dels elements sacrats.

Cossí culhir las plantas medicinalas sens que sián lordejadas de pesticidas ? ont se banhar jos la luna sens tombar sus un croquet rovilhat e autres rebuts putrides ? Amb aquela fusta bruèissa edificar aquel lenhièr de jòia ont om sagelat las amors e cremavan las nòstras paurs ?

Vaquí las nòstras cercairas sus las traças dels rites de la Sant Joan mas coma festejar la Sant Joan quand totes los elements necessaris per alucar lo fuòc purificator son en marrit estat ? E puèi sautar lo fuòc, òc, mas per ont anar ? 

Una conferéncia teatrala per descobrir los rituals del solstici d'estiu. 

Conferéncias teatralas qu'alian projeccions vidèos e fòtos, danças, teatre e musicas, las C.BIOs permetan de metre en lum d'elements del PCI pròche del territòri dins los quals se desròtla la conferéncia. 

Aquelas conferéncias teatralas son adaptablas al public ciblat, al territòri concernit aital qu'a totes los espacis : salas de classa, mediatèca, ostal de retirat, collòqui, comitats d'entrepresa...

Cada conferéncia teatralizada que dona luòc a d'unas discussions, escambis o talhièrs en foncion dels objectius de l'estructura e de las tematicas abordadas. 

Las CBIO coma transmission e valorizacion del Patrimòni Cultural Immaterial (PCI) per respondre a las demandas regularas que nos son faitas e per consequent, correspondan a un besonh de las comunautats. 

Aital, per la creacion d'una forma ibrida entre conferéncia e teatre, lo Teatre de las Originas, desvolòpa una mediacion del patrimòni viu que permet la reapropriacion d'unas practicas dins una volontat de construccion amb los que son depositaris d'aquel patrimòni.

– Transmission d’una educacion informela, ludica e accessibla a l'entorn de la nocion del PCI 

– Creacion d’otisses pedagogics per la valorizacion del PCI 

– Contribuir a la salvagarda d'unes elements  éléments fragiles e/o de salvagardar

– Descobèrta e valorizacion d'elements del PCI del territòri occitan .