Seminari e talhièr de presentacion de la caravana TOTEMIC e sensibilizacion als enjòcs de la coneissença, de la transmission e de la mesa en valor del Patrimòni Cultural Immaterial (PCI)
L’objectiu del seminari es de sensibilizar los actors e futurs actors patrimonials de la region Occitània a las questions, als enjòcs e als limits dels inventaris del patrimòni cultural immaterial (PCI) en França. Una atencion particulara serà portada sus la possibilitat d'integrar de dispositius audiovisuals dins las desmarchas d'inventari, en partir del cas de la caravana de la Federacion dels Totèms.
Matin :- Lo PCI - Francesca Cominelli, Universitat París 1 : istoric de la Convencion UNÈSCO de 2003, definicion del PCI, los inventaris del PCI en França, reflexions a l'entorn dels inventaris del PCI
- Las fichas d'inventari dels animals totemics - Perrine Alranq, Federacion dels Totèms : fichas realizadas, metòde, dificultats del terren, limits
- L'interès del recors a l'audiovisual per l'inventari, la transmission e la mesa en valor del PCI - Francesca Cominelli, Universitat París 1 : cas d'estudi a partir de l'inventari (exemples de la vidèo dels canals d’irrigacion del Briançonés e de las isclas del mond)
- Lo projècte de la Caravana dels Totèms (Caterina Gueli, realizatritz)
Tantossada :Talhièr per permetre als participants qu'an enveja de s'implicar directament dins l'acompanhament de la caravana de se familiarizar amb aqueste dispositiu. Aital lo talhièr serà aquí per presentar lo dispositiu, partejar amb los participants las causidas tecnicas faitas pels creators de la caravana « cabina videomaton mobila », donar totas las informacions que los participants ne podrián aver de besonh per reprene e faire foncionar la caravana.
Ficha d'inscripcion çai-jos de remandar completada abans lo 20 d'abril a
secretariat@cirdoc.fr (una confirmacion d'inscripcion vos serà mandada al mai tard lo 25 d'abril).
Inscripcion gratuita, nombre de plaças limitat (mai o mens 20 personas)
Telecargar lo programa Telecargar lo formulari d'inscripcion
