X

17

Abr

Occitanie en scène dobrís una novèla crida a candidatura per son dispositiu Support + ( Musicas actualas)

Publicat lo 17 abril per Sandra JUAN ( CIRDOC - Institut occitan de cultura )

L'agéncia regionala Occitanie en scèna dobrís una novèla crida a candidaturas a l'entorn de son percors d'acompanhament e de conselh Support +, destinat a las estructuras d'acompanhament en musicas actualas implantadas en region Occitània.  


DETALH DE LA CRIDA A CANDIDATURA 


Pilotat per Occitanie en scène, Octopus Fédération de las musicas actualas en Occitània e Illusion & macadam, aquel dispositiu de sosten a las estructuras d'acompanhament en musicas actualas s'inscriu dins lo quadre de la convencion tercenala 2015-2017 entre la Region Occitània / Pirenèus Mediterranèa, la Drac Occitània e lo CNV (Centre Nacional de la Cançon, de las Varietats e del Jazz). 
 
Destinataris de l'apèl : 

Destinat als tornaires, manejadors, productors, labèls, editors, collectius d'artistas... e concebuts per consolidar lor estructuracion, lo dispositiu se declina jos la forma d'un percors d'acompanhament e de conselh sus mesura. 

Aprèp un diagnostic personalizat dels besonhs del portaire de projecte e de son estructura, los partenaris de Support + faràn intervenir totes los intervenents necessaris per respondre plenament e especificament als enjòcs de cada entrepresa e entreprenedors acompanhats. Quala que siá la fasa de desvolopament de las estructuras, l'acompanhament individualizat serà adaptat a las situacions particularas dels portaires de projèctes. 

La crida a candidaturas es dobèrta a las estructuras d'acompanhament en musicas actualas en region Occitània fins al 6 de mai de 2020. Un comitat de seleccion compausat dels partenaris e dels financièrs del dispositiu retendrà los beneficiaris. 
 
Trobaretz en ligam, una nòta que presenta lo dispositiu Support  + : https://www.oc-cultura.eu/wp-content/uploads/2020/04/support-plus-3-consultation.pdf e tanben lo detalh suls site de l'agéncia : https://www.reseauenscene.fr/article_support-parcours-d-accompagnement-et-de-conseil.html 
 

ENTRESENHAS : 

Nadège Staebler | Occitanie en scène | 04 67 66 90 87 | n.staebler@occitanie-en-scene.fr
Alexandre Barthès | Octopus | 05 34 31 26 53 | ressource@federation-octopus.com
Yves Bommenel | Illusion & macadam | 04 67 04 07 04 | ybommenel@illusion-macadam.fr
 
Support + es un dispositiu proposat per
Occitanie en scène, Octopus Fédération des musiques actuelles en Occitanie et illusion & macadam, avec le soutien financier de 
la Région Occitanie / Pyrénées-Méditerranée, l’État (Drac Occitanie) et le CNV (Centre National de la Chanson, des Variétés et du Jazz).
 

Daissatz un comentari

<